Mänti Morge
Am Mänti morge mani no nid
Der Mänti morge chunnt mer chli z'gli
mer sötti halt
nachemne stränge Tag
so wiem'ne Sunnti no chli Freizyt ha
Am Mänti morge hani e Stei
Am Mänti isch mer alls einerlei
de machi Züg woni ja gar nid wott
mach alls verchert u ärnte no derzue
vo angerne der Spott
Wi wärs jitz doch i mim weiche Bett
schön u kuschelig warm
vo mir us gseh het e neue Tag
ersch vom zähni a Charme
Am Mänti faht der Chrampf wieder a
Am Mänti söttisch voll wieder drah
Du sigsch jitz fit willt übers Wuchenänd
Du di erholt heigsch vo dim Alltags-Stress
doch dä geit ja nie z'änd
|
Am Mänti geit mer alls gäge Strich
Am Mänti fählt mer jede Vergliich
I gseh nid i, warum i schaffe söll
nachdäms am Sunnti ohni gangen isch
Für was die Mäntigs-Höll?
Wi wärs jitz doch i mim weiche Bett
schön u kuschelig warm
vo mir us gseh het e neue Tag
ersch vom zähni a Charme
Am Mänti morge mani nid uf
Am Mänti morge fählt mer der Schnuf
Das Samschti Fescht het mer der Räschte gäh
u für ds Erhole isch der Sunnti ds churz
der Mänti chunnt mer ds jäh.
|