Lieder für die Schule

Aufgenommen in der MusicFarm (März 1979)

3'55

Lue di a

4'11

 

Lue di a (Melodie, Text und Playback: Christian Hunziker - FenderRhodes: Willy Bischof)

Chumm, lue di a,
häb dir ä Spiegu vor dra
Lächle mal u nimm dir vor
chli Sälbschtvertroue ds ha

Lue s' isch nid schwär
warum isch di Blick so läär?
Gloub a di u du wirsch gseh
äs Lächle chunnt derhäär

Jede Mönsch wo läbt isch schön
wes i den Ouge glänzt u strahlt
das erreichsch we'd zfride bisch
süsch wirksch grau u chalt

Alls was de bruuchsch
isch di so ds näh wi de bisch
suech nid geng was angri hei
das isch doch einerlei

Chumm, lue di a,
la di nid geng so la ga
mach us dir der Mönsch wod bisch
fang einisch voren a

lue i dis Gsicht
mach dir's zur tägleche Pflicht
üeb di ir Natürlechkeit
im Wärbelook-Verzicht

Jede Mönsch wo läbt isch schön
wes i den Ouge glänzt u strahlt
das erreichsch we'd zfride bisch
süsch wirksch grau u chalt

Tue nid so ghemmt
warum bisch du so verchlemmt
nimm doch ändelch d' Masken ab
damit me di erkennt

Chumm lue di a
la dini Muskle la ga
lächlisch wi nes Wärbebild
für nöji Zahnpaschta

gsesch no nid i
wi schön o du chönntisch si
lue di lang u prüefend a
der räschte fahrt de i

Jede Mönsch wo läbt isch schön
wes i den Ouge glänzt u strahlt
das erreichsch we'd zfride bisch
süsch wirksch grau u chalt

Chumm, lue di a,
häb dir ä Spiegu vor dra
Lächle mal u nimm dir vor
chli Sälbschtvertroue ds ha

©2006/2019 Christian Hunziker - Alle Rechte vorbehalten
Download ausschliesslich zum privaten Eigenbedarf gestattet